BOODHI   MANOICHHA

               Ati shikshit, yogya, samvedansheel, doordarshi, pradhanmantri, pata nahi kin vajaho se na hi kuch bolte hain na kuch sakaratmak karte hain aur na hi apna pad tyaag rahe hain. Vajah kuch bhi ho desh aur deshvaasi asahaay mehsoos karjrahe hain. Bolenge wahi jo madamjo madam ke shabd honge karenge vahi jo madam ka aadesh ho. Mauni baba ke sahaayak hi uthne wale prashno ka uttar swatah hi de dete hain. Uma ke iss padhav mein  manviya lalsaein kuch ghtak ho jati hain jo samaj, rashtra sabko prabhavit karti hai.

                    Saumya, sabhya , atishikshit , yogya singh sahib  ne pradhanmantri  kaal me apna avmoolyan hi kiya hai. Suna tha yogyata anuchit samjhaute se parhej  karti hai par pad laalsa n is dharna ko galat sabit  kar dia hai. Yogya, shikshit vyakti ka avanchhaniya samjhaute karna , swatah ka avmoolyan karna hai. Pradhan manti ji se ek nivedan haiki ab to koi saarthak sat ik nirnae le jo apki yogyata ke anuroop ho, kisi  ke adeshanusaar nahi.

                Pichle kuch ssal se janlokpal, bhrashtachaar, apraadh, mahngai aur videsh niti ke sandarbh mein singh sahib ki chuppi aur mantriyo ke badbole pan ne samaj va janta ka nuksaan  to kiya hi hai, aapki chhavi ko taar taar kar diya hai.  Jawabdehi se bhagne se apka daman saaf nahi mana ja sakta. Vraddh kaal mein kuch to drud nirnay le aur swatah ki chhavi  ko bachae. Aapki chhavi chalaak  rajneta ki nahi varan  yogya pradhan mantri  ki haikuch to sochein… kab tak pallu pakad kar chlenge.

                 Kade shabdo ke lie mujhe dukh hai par soye singh ko uthana bhi to zaruri hai.